अर्ज कसा करावा?

या शिष्यवृत्तीसाठी अर्ज प्रक्रिया सध्या ऑफलाइन पद्धतीने राबवली जाते. अर्ज करण्यासाठी खालील टप्प्यांचे अनुसरण कराः

सर्वप्रथम, महाराष्ट्र इमारत व इतर बांधकाम कामगार कल्याणकारी मंडळाच्या (MBOCWW) अधिकृत वेबसाइटला भेट द्या.

वेबसाइटवरील ‘Welfare Scheme’ या टॅबवर क्लिक करा.

येथे ‘Education’ या पर्यायाखाली ’10th to 12th Student’s 10,000/yr’ या लिंकवर क्लिक करा.

त्यानंतर ‘Download Form’ या बटणावर क्लिक करून अर्ज डाउनलोड करा.

अर्जात कामगाराचे नाव, नोंदणी क्रमांक, नोंदणीची तारीख, आधार क्रमांक, मोबाईल नंबर आणि पत्ता अचूकपणे भरा.

त्यानंतर विद्यार्थ्याची माहिती, जसे की नाव, लिंग, जन्मतारीख, शाळा/कॉलेजचे नाव आणि आधार क्रमांक नमूद करा. पहिल्या किंवा दुसऱ्या पाल्यासाठी अर्ज करत आहात, याचा उल्लेख करा.

विद्यार्थ्याच्या बँक खात्याचे नाव, शाखेचे नाव, बँकेचे नाव आणि IFSC कोड भरा. येथे केवळ आधार कार्डशी लिंक असलेल्या बँक खात्याचाच तपशील द्या.

पूर्ण भरलेला अर्ज आणि आवश्यक कागदपत्रे जोडून तो तुमच्या जिल्ह्यातील कामगार आयुक्त किंवा सरकारी कामगार कार्यालयात जमा करा.

अर्ज जमा केल्यानंतर कार्यालयातून पावती घ्यायला विसरू नका. या पावतीवर अर्ज जमा केल्याची तारीख आणि एक युनिक क्रमांक असेल.